اماراتی ولی عہد مصر پہنچ گئے، صدر السیسی سے ملاقات

متحدہ عرب امارات کے ولی عہد الشیخ محمد بن زاید آل نھیان کل منگل کو مصر کے سرکاری دورے پر قاہرہ پہنچ گئے ہیں جہاں انہوں نے مصری صدر عبدالفتاح السیسی سے بھی ملاقات کی۔

’العربیہ ڈاٹ نیٹ‘ کے مطابق دونوں رہ نماؤں کے درمیان ہونے والی ملاقات میں دو طرفہ امور، علاقائی اور عالمی امور پر تبادلہ خیال کیا گیا۔

قبل ازیں جب اماراتی ولی عہد قاہرہ کے بین الاقوامی ہوائی اڈے پہنچے تو صدر السیسی نے خود ہوائی اڈے پر ان کا استقبال کیا۔ بعد ازاں اماراتی مہمانوں نے ہوائی اڈے پر اہم شخصیات کے لیے بنائے مہمان خانہ میں کچھ دیر قیام کیا۔ اس کےبعد صدر السیسی اور الشیخ محمد بن زاید آل نھیان کے درمیان طویل ملاقات ہوئی۔

دونوں رہ نماؤں کے درمیان ملاقات میں دو طرفہ تجارتی، اقصادی، سرمایہ کاری، سیاسی اور دیگر شعبوں میں تعاون پر تبادلہ خیال ہوا۔