.

حوثیوں کے گڑھ مران کے پہاڑوں میں یمنی فوج کے چھاتہ بردار دستوں کی اہم کارروائی

پہلی اشاعت: آخری اپ ڈیٹ:

یمن کے صوبے صعدہ کے جنوب مغرب میں سرکاری فوج نے عرب اتحاد کی فورسز کی معاونت سے اپنی اسپیشل فورسز اور انسداد دہشت گردی کی فورسز کے چھاتہ بردار دستوں کو حیدان ضلعے میں مران کے پہاڑوں کے قلب میں اتار دیا۔ یہ علاقہ حوثیوں کا عسکری گڑھ شمار ہوتا ہے۔

یمنی فوج کی اسپیشل فورسز کے کمانڈر کرنل احمد المصعبی کے مطابق ان دستوں نے جمعرات کے روز اترنے کے بعد الملاحیظ کے مشرق میں مران کے پہاڑی علاقوں میں متعدد ٹھکانوں کو آزاد کرا لیا۔ انہوں نے بتایا کہ یہ کارروائی یمنی فوج کے تربیت یافتہ دستوں نے انجام دی جس نے فوج کی پیش قدمی کی راہ ہموار کر دی ہے۔ المصعبی کا کہنا تھا کہ یمنی فوج الظاہر ضلعے میں آزاد کرائے گئے علاقوں کو محفوظ بنانے کے واسطے سکیورٹی فورسز کے تعاون سے کام کر رہی ہیں۔ علاوہ ازیں علاقے سے بارودی سرنگوں کا خاتمہ کیا جا رہا ہے تا کہ شہری اپنے گھروں کو لوٹ سکیں۔

یمنی فوج نے گزشتہ دو روز کے دوران مران کی سمت 40 کلو میٹر سے زیادہ پیش قدمی کی۔ اس دوران 40 دیہات اور پہاڑوں کو عبور کیا گیا جب کہ جھڑپوں میں حوثی ملیشیا کو بھاری جانی اور مادی نقصان بھی پہنچا۔