عرب اتحاد نے تین روز میں یمن داخلے کے لیے 157 اجازت نامے جاری کیے

یمن میں دستوری حکومت کی عمل داری کی بحالی کے لیے سرگرم عرب اتحاد نے کہا ہے کہ یمن میں آمد ورفت کے لیے تین روز کے دوران بری،بحری اور فضائی قافلوں کو 157 پروانے جاری کیے گئے۔

عرب اتحاد کی طرف سے جاری کردہ بیان میں‌کہا گیا ہے کہ تین روز میں یمن کی بندرگاہوں میں بحری جہازوں کو جانے کے لیے 19 اجازت نامے جاری کیے گئے۔ 12 فضائی راہ داریاں جاری کی گئیں جب کہ 16 جہازوں کو امدادی بحری جہازوں کو یمن میں لنگرانداز ہونے کی اجازت دی گئی۔

بیان میں مزید کہا گیاہے کہ یمن کے لیے امدادی سامان لے کرآنے والے جہازوں میں تیل، خوراک اور ادیات شامل تھیں۔ اس دوران 23 فضائی اجازت نامے جاری کیے گئے جب کہ دو بری راہ داریاں جاری کی گئیں۔ قافلوں کی حفاظت کے لیے 103 اجازت نامے جاری کیے گئے۔ رواں ہفتے 5 بحری جہازوں کا الحدیدہ بندرگاہ میں داخلہ متوقع ہے۔