.

سعودی آرامکو کی تنصیبات پر حملوں کے لیے عراقی سرزمین کے استعمال کی تردید

پہلی اشاعت: آخری اپ ڈیٹ:

عراق نے سعودی عرب میں تیل کی دو تنصیبات پر حملوں کے لیے اپنی سرزمین کے استعمال کی تردید کردی ہے۔

بغداد حکومت نے اتوار کو ایک بیان میں ان میڈیا رپورٹس کو مسترد کردیا ہے جن میں یہ کہا گیا تھا کہ سعودی آرامکو کی دو تنصیبات پر ڈرون حملوں کے لیے عراق کی سرزمین کو استعمال کیا گیا ہے۔

اس نے بیان میں اس عزم کا اظہار کیا ہے کہ جو کوئی بھی عراق کو خطے میں حملوں کے لیے اڈے کے طور پر استعمال کرے گا تو اس کو سزا دی جائے گی۔

یمن کے حوثی شیعہ باغیوں نے سعودی آرامکو کی تیل کی دو تنصیبات پر ڈرون حملوں کی ذمے داری قبول کرنے کا دعویٰ کیا ہے۔ ان میں ایک تنصیب مملکت کے مشرقی صوبے میں الدمام شہر کے نزدیک واقع بقیق میں ہے اور دوسری تنصیب ہجرۃ خريص آئل فیلڈ میں واقع ہے۔