گارے کے ذریعے مشہور شخصیات کے مجسمے بنانے والا سعودی فن کار

سعودی نوجوان ناصر ہوساوی نے روڈ انجینئرنگ کے شعبے سے نکل کر فن کی دنیا میں طبع آزمائی کا فیصلہ کیا۔ اس نے قدرتی ریت سے اپنی من چاہی چیزوں کو مجسم صورت دینے پر کام شروع کر دیا۔ ناصر 4 برس تک بھرپور کام اور محنت کے ذریعے مجسمہ سازی میں اگلے مراحل تک پہنچ گیا۔ اس نے ریت کے ٹیلوں پر بھی مجسم صورتوں پر کام کیا۔

ناصر ہوساوی 2017ء میں انجینئرنگ کالج سے فارغ التحصیل ہوا۔ العربیہ ڈاٹ نیٹ سے گفتگو کرتے ہوئے ناصر نے بتایا "میں مجسمے اور فن پارے تشکیل دینے میں صحرا اور اس کی تاروں سے سجی راتوں پر مبنی افکار کو کام میں لایا ... میں نے اس کام میں مجسمہ سازی کے لیے کئی خام لوازمات استعمال کیے جن میں چُونا ، گارا اور لکڑی شامل ہیں"۔

ناصر کے مطابق انہوں نے کئی اہم شخصیات کے مجسمے بنائے جن میں نمایاں ترین شہزادہ محمد بن سلمان اور شہزادہ خالد الفیصل ہیں۔ ان کے علاوہ ناصر نے بعض کاروباری ، فنی اور کھیلوں کی شخصیات کی صورتوں کو بھی مجسمے کی شکل میں ڈھالا۔ ناصر کی خواہش ہے کہ وہ اپنی خداد داد صلاحیتوں کو عالمی سطح پر بھی منوائیں۔