سعودی عرب: معروف عالم دین شیخ صالح اللحیدان کی وفات

سعودی عرب میں معروف عالم دین اور سینئر علماء کمیٹی کے رکن شیخ صالح محمد اللحیدان آج بدھ کو علی الصبح انتقال کر گئے۔ انہیں چند ہفتے قبل علالت کے سبب ہسپتال میں داخل کیا گیا تھا۔

شیخ اللحیدان کے اہل خانہ نے سوشل میڈیا ویب سائٹ "ٹویٹر" پر وفات کی خبر دیتے ہوئے بتایا کہ شیخ کی نماز جنازہ بدھ کے روز نماز عصر کے بعد ریاض کی الراجحی مسجد میں ادا کی جائے گی۔

شیخ اللحیدان نے سعودی عرب میں کئی منصبوں پر کام کیا۔ ان کی کئی تالیفات بھی ہیں۔

شیخ اللحیدان کی وفات کے اعلان کے ساتھ ہی سوشل میڈیا پر علمائے کرام ، اسکالرز اور لوگوں کی ایک بڑی تعداد کی جانب سے تعزیت کا اظہار کیا جا رہا ہے۔ اس سلسلے میں ٹویٹر پر ایک ٹرینڈ #صالح _اللحيدان بھی چل رہا ہے۔