شاہ سلمان کی ایک پینٹنگ نے میری زندگی بدل دی: سعودی آرٹسٹ

ایک سعودی آرٹسٹ نے انکشاف کیا ہے کہ خادم حرمین شریفین شاہ سلمان کےحوالے سے بنائی گئی اس کی ایک پینٹنگ نے اس کی زندگی بدل دی۔ اس بات پر زور دیا کہ یہ اس کی پیشہ ورانہ فن کے لیے خود کو وقف کرنے کی شروعات تھی۔

سعودی آرٹسٹ محمد عسیری نے العربیہ ڈاٹ نیٹ کو بتایا کہ خادم حرمین شریفین شاہ سلمان کے ساتھ ان کی اپنی پینٹنگ کی موجودگی تمام کامیابیوں سے مختلف تھی۔ میں نے اس کے لیے اپنا کام دھندہ چھوڑ دیا اور ملازمت سےاستعفیٰ دینے کا مشکل فیصلہ کیا۔ اس فیصلے کی سب نے مخالفت کی۔ مگرمیں نے اپنے آپ کو فن کے لیے وقف کردیا اور آرٹ میں اپنے ملک کی نمائندگی کرنے کی ٹھانی۔

اس نے انکشاف کیا کہ وہ نفسیاتی مریضوں اور قیدیوں کو تربیت دیتا ہے۔ کیونکہ یہ لوگ بھی معاشرے کے اجزاء کا ایک لازمی حصہ ہیں۔ وہ ان کی مد کرنا ایک انسانی فرض سمجھتا ہے جو انہیں فن کی نظروں سے دنیا کو دیکھنے کی آزمائش پر قابو پانے میں مدد کرتا ہے۔اپنے اندر کی سب سے خوبصورت چیز کو سامنے لاتے ہیں اور اس سے ان کے اعتماد میں اضافہ ہوتا ہے۔ وہ معاشرے کے اندر ضم ہونے کے لیے اسی خالص عزائم کے ساتھ دنیا میں جانے کے اہل ہوتے ہیں۔

اس نے مزید کہا کہ میں قیدیوں کو مخاطب کر کے کہتا ہوں کہ تمہارے جسم قید ہو چکے ہیں، لیکن تمہاری روحیں آزاد ہیں۔ پوری دنیا کے فنون لطیفہ کے پروں پر اڑان بھرو اور اپنے تخیل کے ذریعے ان کے ساتھ چلو۔ میرا یقین کرو۔ آپ خود کو ان چھتوں سے باہر پائیں گے۔

وہ نفسیاتی مریضوں کو مخاطب کر کےان سے کہتا ہے کہ ’آپ جو کچھ آپ کے ذہن میں ہے اسے عملی جامہ پہنا سکتے ہیں۔ اسے اپنی سفید سطحوں پر نقل کر سکتے ہیں۔ اپنی روح کی خوبصورتی کو نکال کر رنگوں سے ترجمہ کر سکتے ہیں

عسیری نے وضاحت کی کہ میں نے دیکھا کہ نفسیاتی مریضوں میں بعض جدت پسند ہیں اور کچھ کرنا چاہتے ہیں۔ ان کے ذریعے اس نے محسوس کیا کہ فن ایک ایسی نعمت ہے جو روح کو نکھارتی ہے۔ ایک غیر روایتی علاج، اور تمام انسانوں کے لیے ایک وسیع آؤٹ لیٹ ہے۔