طوفان سے زمین پر درختوں کی دلفریب پینٹنگ

سعودی عرب کے شمالی علاقے تبوک اور الجوف کے درمیان واقع الحویٰ گاؤں میں حال ہی میں ہونے والی بارش کے دوران ایک مقامی فوٹو گرافر نے زمین پر موجود درختوں کی تصاویر بنائیں۔ بارش کے طوفان میں لی جانے والی یہ تصاویر اگرچہ ڈرون کیمرے میں بنائی گئی ہیں مگر یہ دیکھنے میں کسی ماہر کاری گر اور آرٹسٹ کی ہنر کاری لگتی ہیں۔

فوٹو گرافر عارف النبھان کی اس کاوش کو قدرت کے انمول اور خوبصورت نمونوں میں سے ایک کہا جاتا سکتا ہے جو اپنے اندر معانی اور قدرتی خوبصورتی کا شاہکار ہیں۔

النبھان نے بتایا کہ وہ خشکی، فطرت اور فوٹو گرافی کا شوقین ہے۔ اس نے بتایا کہ بارش کے طوفان کے بعد علاقے سے پانی سیلابی ریلے کی شکل میں گذرا جس نے اپنے پیچھے ایسے خوبصورت مناظر چھوڑے جنہیں دیکھنے والے مبہوت رہ جاتے ہیں۔