شامی گرینیڈ کے سبب تل ابیب کے ہوائی اڈے پر مسافروں میں خوف و ہراس

تل ابیب کے بن گوریون ہوائی اڈے کے روانگی ہال میں جمعرات کے روز ایک مارٹر گرینیڈ لایا گیا تو وہاں موجود لوگوں میں خوف اور دہشت پھیل گئی۔ یہ شامی گرینیڈ ایک امریکی گھرانے کے پاس سے سیکورٹی معائنہ کار کے سامنے ظاہر ہوا تھا۔

یہ گرینیڈ 1967ء کی جنگ یا پھر شائد اکتوبر 1976ء میں مقبوضہ گولان کی جنگ کے دوران پھٹ نہیں سکا تھا۔ گذشتہ ہفتے مذکورہ امریکی گھرانے کو یہ گرینیڈ پہاڑی علاقے میں سیر کے دوران میں ملا۔ گھرانے کے ایک فرد نے اسے یادگار کے طور پر امریکا لے جانے کے لیے اپنے بیگ میں رکھ لیا تھا۔

بیگ سے گرینیڈ ملنے پر ہوائی اڈے کے ہال میں موجود خوف کے مارے ادھر ادھر بھاگنے لگے۔

مذکورہ امریکی گھرانے سے پوچھ گچھ کے بعد اسے جانے دیا گیا۔ بعد ازاں یہ گھرانہ طیارے میں سوار ہو کر امریکا روانہ ہو گیا۔ البتہ مارٹر گرینیڈ کو تل ابیب حکام نے اپنے پاس رکھ لیا۔