مغربی کنارے میں اسرائیلی فوج کی فلسطینیوں کے خلاف کارروائی، 2 شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج نے منگل کے روز مغربی کنارے میں کارروائی کرتے ہوئے دو فلسطینی شہریوں کو شہید کر دیا ہے۔ یہ فوجی کارروائی ہیبرون شہرکے جنوب میں قائم فوار پناہ گزین کیمپ میں کارروائی کی گئی۔ دونوں فلسطینیوں کی عمریں 17 اور 31 سال بتائی گئی ہیں۔

فلسطینی وزارت صحت نے دونوں شہادتوں کی تصدیق کی ہے مگر اسرائیلی فوج نے اس بارے میں کوئی تبصرہ یا رد عمل نہیں دیا ہے۔

پناہ گزین کیمپ کے رہائشی نے اے ایف پی کو بتایا اسرائیلی فوجیوں نے پناہ گزینوں کے کیمپ پر چڑھائی کر دی ، یہ چڑھائی کیمپ کے شمال اور جنوب دونوں جانب سے کی گئی۔ اس دوران دو فلسطینی جو اپنے گھروں کے قریب ہی تھے انہیں اسرائیلی فوج نے قتل کر دیا۔

مقامی شخص کے مطابق جب پہلے فلسطینی کی شہادت ہوئی تو اس کے بعد تصادم کی فضا بن گئی ، اسی دوران پانچ فلسطینی مزید زخمی ہو گئے ۔ بعد ازاں ان میں سے ایک جام شہادت نوش کر گیا۔

واضح رہے سات اکتوبر کے بعد سے اب تک مغربی کنارے میں بھی تین سو سے زائد فلسطینی موت کے گھاٹ اتاردیے گئے ہیں۔ جبکہ غزہ میں فلسطینی شہدا کی تعداد 20600 ہو چکی ہے۔ ان میں اکثریت بچوں اور عورتوں کی ہے

مقبول خبریں اہم خبریں

مقبول خبریں