فلسطین کی مشترکہ حکومت اورغزہ کی تعمیرنو،فتح اورحماس کےرہنما ماسکو میں ملاقات کریں گے

روس کے نائب وزیر خارجہ نے اس امر کی تصدیق کی ہے کہ فلسطینی جماعتوں کے رہنما جمعرات کے روز ماسکو میں ایک اہم ملاقات کرنے پہنچ رہے ہیں۔ یہ ملاقات فلسطین میں ایک مشترکہ حکومت کی تشکیل ، فلسطینیوں کے سیاسی مستقبل اور غزہ کی تعمیر نو کے لیے باہمی مشاورت کے حوالے سے اہم ہو گی۔

روسی خبر رساں ادارے نے یہ بات بدھ کے روز رپورٹ کی ہے۔ اس سے پہلے بھی ایک خبر سامنے آئی تھی کہ روس فلسطینی جماعتوں کو اپنے ہاں ملنے کی دعوت دے رہا ہے۔ اب روسی نائب وزیر خارجہ نے بھی اس کی تصدیق کر دی ہے کہ جمعرات کے روز یہ ملاقات ہوگی۔ جس میں حماس اور فتح کے اعلیٰ نمائندے شرکت کریں گے۔