جنوبی لبنان میں اسرائیلی بمباری، حزب اللہ اور امل موومنٹ کے چھ ارکان قتل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

اسرائیلی فوج نے ٗجنوبی لبنان کے کئی قصبوں پر توپ خانے سے گولہ باریکی اور فضائی حملے کئے ہیں۔ صہیونی فوج کی کارروائی میں حزب اللہ کے تین اور امل موومنٹ کے تین افراد ہلاک ہو گئے۔ لبنانی فوج کے سپاہی سمیت 11 افراد زخمی ہو گئے۔

فوجی ذرائع نے بتایا اسرائیلی جنگی طیاروں نے 8 قصبوں پر 10 فضائی حملے کیے اور اسرائیلی توپ خانے نے جنوبی لبنان کے سرحدی علاقے کے مشرقی، وسطی اور مغربی سیکٹرز کے 13 قصبوں پر تقریباً 75 گولے داغے ہیں۔

ذرائع کے مطابق قصبے عیتا الشعب پر حملے میں حزب اللہ کے دو ارکان ہلاک اور ایک شہری زخمی ہوگیا۔ قانا قصبے پر حملے میں حزب اللہ کا تیسرا رکن ہلاک اور دو شہری زخمی ہو گئے۔

لبنان کے جنوب مشرقی قصبے جدیدہ میں امل موومنٹ کے ایک ایک مرکز کو نشانہ بنایا گیا۔ اس حملے میں امل موومنٹ کے 3 ارکان مارے گئے اور چوتھا زخمی ہوگیا۔ لبنان کے جنوب مشرقی قصبے کفر حمام میں ایک گھر کو نشانہ بنایا گیا۔ اس کارروائی میں 6 شہری اور لبنانی فوج کا ایک سپاہی زخمی ہوگیا۔ جنوب مشرقی لبنان کے قصبے کفر کلا میں ایک فوجی مرکز کے آس پاس کے علاقے کو نشانہ بنانے والے اسرائیلی حملے میں لبنانی فوج کے متعدد کمروں اور فوجی اور سویلین گاڑیوں کو نقصان پہنچا۔

جنوبی لبنان کے ایک سرکاری طبی ذرائع نے تصدیق کی ہے کہ 6 لاشیں اور 11 زخمیوں کو جنوبی لبنان کے سرکاری ہسپتالوں میں منتقل کیا گیا ہے۔ حزب اللہ نے اپنے تین ارکان کی موت پر اظہار افسوس کیا اور کہا یہ تین افراد القدس کی راہ کے شہید ہیں۔ امل موومنٹ نے بھی کہا کہ اس کے تین ارکان اپنا قومی اور جہادی فریضہ ادا کرتے ہوئے جام شہادت نوش کر گئے ہیں۔

حزب اللہ نے ایک بیان میں کہا کہ اس کے عسکری ونگ نے متعدد میزائلوں سے اسرائیلی مقامات پر حملہ کیا ہے۔ ان علاقوں مسکفعام، ثکنہ زرعیت، المطلہ، رویسۃ العلم، السماقہ، المالکیہ، بیاض بلیدہ، خلہ وردہ، برانیت اور جل العلام شامل ہیں۔ عرب میڈیا کے لیے اسرائیلی فوج کے ترجمان اویچائی ادرائی نے ’’ ایکس‘‘ پر کہا کہ فوج کے دستوں نے ایک تنظیم کے جاسوسی کے مقام پر حملہ کیا ہے۔

غزہ جنگ کے تناظر میں اسرائیل اور لبنانی جماعتوں میں تصادم آٹح اکتوبر سے شروع ہے۔ اسرائیلی فوج کے حملوں سے لبنان میں 405 افراد جاں بحق ہوچکے ہیں۔ ان میں حزب اللہ کے 260، امل موومنٹ کے 17، حماس اور تحریک اسلامی جہاد کے 33 اور اسلامی جماعت کے 5 ارکان شامل ہیں۔ 73 عام شہری بھی اسرائیلی حملوں میں جاں بحق ہوچکے ہیں۔

مقبول خبریں اہم خبریں

مقبول خبریں