رفح : اسرائیلی بمباری سے بیسیوں پناہ گزینوں کی ہلاکت پر چین کا اظہار تشویش

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

چین کی طرف سے رفح میں اسرائیلی جنگی حملوں اور پناہ گزینوں کے کیمپ پر کی گئی تازہ ہلاکت خیز بمباری پر سخت تشویش ظاہر کی گئی ہے۔ چین کی وزارت خارجہ کے ترجمان ماؤ ننگ نے اس سلسلے میں ایک باقاعدہ بیان میں کہا ہے 'رفح میں جاری آپریشن انتہائی تشویشناک ہے۔ '

واضح رہے رفح میں اسرائیلی بمباری سے 45 سے زائد فلسطینی ہلاکتوں کے تازہ واقعے پر پوری دنیا میں اظہار تشویش کیا جا رہا ہے۔ اقوام متحدہ کی سلامتی کونسل کا ہنگامی اجلاس بھی آج منگل کے روز اب سے کچھ دیر بعد طلب کیا گیا ہے، تاکہ اس معاملے پر سلامتی کونسل کے ارکان بحث کر سکیں۔

بہت سے عرب ملکوں نے اس واقعے کو فلسطینیوں کا قتل عام قرار دیا ہے۔ مغربی ملکوں میں سے بھی کئی نے اس المناک واقعے کی مذمت کی ہے۔ جبکہ اسرائیلی فوج نے اس واقعے کی تحقیقات کرانے کا اعلان کیا ہے۔

ادھر بیجنگ نے منگل کے روز تمام فریقوں پر زور دیا ہے کہ شہریوں اور شہری سہولتوں کے تحفظ کے لیے کردار ادا کریں۔ چین کی طرف سے یہ بھی کہا گیا ہے ' اسرائیل بین الاقوامی برادری کی اپیلوں کو سنے اور رفح پر حملہ روکے۔

واضح رہے چین اس جنگ کے آغاز سے غزہ میں فوری جنگ بندی کا مطالبہ کر رہا ہے۔ چین دو ریاستی حل کا حامی ہے اور شروع سے ہی فلسطین کاز کے حق میں ہے۔

مقبول خبریں اہم خبریں

مقبول خبریں