مصر کا فلسطینی عوام کے غزہ سے جبری انخلاء کے خلاف عرب دنیا سے سخت مؤقف پر زور

مصر نے عرب دنیا کے ملکوں بشمول اردن، سعودی عرب اور متحدہ عرب امارات پر زور دیا ہے کہ وہ غزہ سے فلسطیینوں کے جبری انخلاء کے ٹرمپ منصوبے کے خلاف سخت مؤقف اختیار کریں۔ اس امر کا اظہار مصر کی وزارت خارجہ نے جمعہ کے روز جاری کیے گئے بیان میں کیا ہے۔

امریکی صدر ڈونلڈ ٹرمپ نے پچھلے ماہ سے کہہ رکھا ہے کہ وہ غزہ سے فلسطینی آبادی کو نکال کر غزہ کی صفائی کرنا چاہتے ہیں۔ دنیا بھر میں ٹرمپ منصوبے پر سخت تنقید کی جا رہی ہے۔ جبکہ مصر نے عرب ممالک سے اس پر سخت مؤقف اپنانے کا کہا ہے۔

مصر جس کی سرحد غزہ سے جڑی ہوئی ہے کی طرف سے عرب شراکت داروں جن میں اردن، سعودی عرب، متحدہ عرب امارات شامل ہیں ان سے فون کال پر یہ مطالبہ کیا جا رہا ہے کہ وہ فلسطینی عوام کو غزہ سے نکالنے کے کسی بھی طریقے کو سختی سے مسترد کریں۔