نہر سویز میں حوثیوں نے ٹینکر کو نشانہ بنا دیا ، مصری حکام

مصر کی نہر سویز سے گزرنے والے یونانی آئل ٹینکر کو یمنی حوثیوں نے نشانہ بنایا۔ جس میں لاکھوں بیرل تیل لے جانے والا یہ ٹینکر شعلوں کی لپیٹ میں آگیا۔ تاہم ٹینکر کو بعد میں بچا لیا گیا۔

مصری حکام نے پیر کے روز کہا ہے کہ یونان سے تعلق رکھنے والے ایک آئل ٹینکر 'سونین' کو بعدازاں کامیابی کے ساتھ 4 کشتیوں کے ساتھ باندھ کر یونان کی طرف روانہ کر دیا گیا۔

نہر سویز اتھارٹی کے سربراہ اسامہ ربی نے یہ خبر اپنے ایک بیان میں جاری کی ہے۔

بیان کے مطابق 'سونین' نامی آئل ٹینکر کو بحیرہ احمر میں پچھلے اگست کے آخر میں یمنی حوثیوں نے نشانہ بنایا تھا۔ تاہم اس پر سوار 25 رکنی عملہ بھی محفوظ رہا تھا۔

اس واقعے سے بحیرہ احمر میں ماحولیاتی اعتبار سے سخت صورتحال پیدا ہو رہی تھی۔

ماہرین کے مطابق یہ جہاز 1989 میں الاسکا سے آنے والے ایگزان ویلدیز کے ساتھ پیش آنے والے واقعے سے 4 گنا بڑا تھا۔

بتایا گیا ہے کہ اس بحری جہاز کو حملے کے ایک ماہ بعد بحفاظت واپس کر دیا گیا تھا۔ جبکہ ایک لاکھ پچاس ہزار ٹن خام تیل لانے والے اس جہاز سے تیل کو منتقل کرنے میں مصری سویز بندرگاہ پر ایک ماہ کارپوریشن درکار رہا۔

نومبر 2023 سے غزہ میں اسرائیلی جنگ کے خلاف حوثیوں نے فلسطینی مزاحمت کاروں کے ساتھ اظہار یکجہتی کے بطور پر بحیرہ احمر اور خلیج عدن میں اسرائیل اور اس کے اتحادیوں کے جہازوں کو نشانہ بنانا شروع کیا تھا۔ اسرائیل کے علاوہ اسرائیل کے اتحادیوں امریکہ، برطانیہ، فرانس وغیرہ کے جہازوں کو بھی حوثی راکٹوں اور میزائلوں کا سامنا کرنا پڑا تھا۔

اس عرصے میں جنگ بندی سے پہلے تک حوثیوں نے 100 کے قریب جہازوں کو نشانہ بنایا۔ عملاً اہم سمندری تجارتی راستہ ڈسٹرب رہا اور تجارتی جہازوں کو راستہ بدل کر زیادہ اخراجات کے ساتھ سفر کرنا پڑا۔

پچھلے سال نہر سویز کے حکام نے 2024 کے دوران اس وجہ سے پیش آنے والے خسارے کا ذکر کرتے ہوئے کہا تھا کہ نہر سویز سے ہونے والی آمدنی 60 فیصد تک نیچے گر گئی ہے۔