"ایم بی سی گروپ" نے دوسری سہ ماہی میں 7.2 کروڑ ریال کا منافع ریکارڈ کیا

معروف میڈیا گروپ MBC کا 2025 کی دوسری سہ ماہی میں خالص منافع 38.3 فی صد کم ہو کر تقریباً 7.19 کروڑ ریال رہا، جو 2024 کی اسی مدت میں تقریباً 11.648 کروڑ ریال تھا۔

رواں سال 2025 کی پہلی سہ ماہی میں تقریباً 26.35 کروڑ ریال کے مقابلے میں دوسری سہ ماہی کا خالص منافع 72.7 فی صد کم ہوا۔

آج پیر کے روز جاری بیان میں "ایم بی سی" گروپ نے بتایا کہ 2025 کی دوسری سہ ماہی میں خالص منافع میں 4.5 کروڑ ریال کی کمی کی بنیادی وجہ نشریات اور دیگر تجارتی سرگرمیوں کی آمدنی میں کمی تھی۔ اس لیے کہ رمضان مبارک 2025 کی دوسری سہ ماہی شروع ہونے سے پہلے ختم ہو گیا تھا، جبکہ 2024 کی دوسری سہ ماہی میں رمضان کے 10 دن شامل تھے۔

دوسری جانب، ایم بی سی گروپ کی آمدنی 2025 کی دوسری سہ ماہی میں 2.5 فی صد بڑھ کر تقریباً 98.79 کروڑ ریال رہی، جو 2024 کی اسی مدت میں تقریباً 96.386 کروڑ ریال تھی۔

کمپنی نے بتایا کہ سالانہ بنیاد پر 2.4 کروڑ ریال کی آمدنی میں اضافے کی وجہ "شاہد" پلیٹ فارم کی آمدنی میں 4.6 کروڑ ریال کا اضافہ (سبسکرپشن ریونیو میں بڑھوتری کی وجہ سے) اور میڈیا و تفریحی اقدامات کے شعبے میں 1.1 کروڑ ریال کا اضافہ تھا۔ تاہم نشریات اور دیگر تجارتی سرگرمیوں کی آمدنی میں 3.3 کروڑ ریال کی کمی رمضان کے قبل از وقت اختتام کے باعث ہوئی۔

2025 کی پہلی ششماہی میں "ایم بی سی" گروپ کا خالص منافع 41.07 فی صد بڑھ کر تقریباً 33.543 کروڑ ریال رہا، جو 2024 کی پہلی ششماہی میں تقریباً 23.777 کروڑ ریال تھا۔