ایک نیا سنگِ میل: ریاض ایئر نے اولین بوئنگ 787-9 طیارے کی تصاویر جاری کر دیں

ریاض ایئر اس ہفتے پرواز شروع کرنے کے مزید قریب پہنچ گیا جب کمپنی کے سوشل میڈیا اکاؤنٹس پر اس کے اولین 787-9 بوئنگ طیارے کی تصاویر شائع ہوئیں۔

"بوئنگ طیاروں کی فیکٹری سے تازہ آمد! ہمارا اولین 787-9 طیارہ اسمبلی لائن سے نکلنے کے لیے تیار ہو رہا ہے اور جلد ہی ریاض ایئر کی مخصوص وردی میں نظر آئے گا،" ریاض ایئر نے ایکس پر ایک پوسٹ میں کہا۔

"اس سنگِ میل کو حقیقت کے روپ میں ڈھالنے کے لیے بوئنگ میں ہمارے شراکت داروں کا شکریہ،" پوسٹ میں لکھا گیا۔

سعودی عرب کی نئی ایئرلائن سے توقع ہے کہ یہ 2030 تک 100 سے زیادہ مقامات تک سفر کیا کرے گی اور اس کا مقصد سعودی عرب کے ویژن 2030 میں اپنا کردار ادا کرنا ہے۔ ویژن 2030 کا مقصد مملکت کو عالمی ہوا بازی کے مرکز اور سیاحت کے بڑے مقام کے طور پر سامنے لانا ہے، کمپنی کے حکام نے پہلے العربیہ کو بتایا تھا۔

ریاض ایئر نے ابتدائی طور پر بوئنگ کے ساتھ 39 وسیع الحجم ڈریم لائنر 787-9 طیاروں کے لیے ایک معاہدے پر دستخط کیے جس میں مزید 33 جیٹ طیاروں کا آپشن ہے۔

گذشتہ سال انہوں نے 60 ایئربس اے 321 نیو طیارے خریدنے کے معاہدے کا بھی اعلان کیا تھا۔