اسرائیل کو عرب دنیا میں جرائم پر کٹہرے میں لایا جائے:محمود عباس

فلسطینی صدر محمود عباس نے دوحہ میں منعقدہ عرب و اسلامی سربراہی اجلاس سے خطاب کرتے ہوئے کہا کہ تمام ممالک قطر کے ساتھ اسرائیلی جارحیت کے مقابلے میں یکجہتی کا اظہار کر رہے ہیں۔

انہوں نے عالمی برادری سے مطالبہ کیا کہ اسرائیل کو عرب دنیا میں اس کے جرائم پر عدالت کے کٹہرے میں کھڑا کیا جائے۔

محمود عباس نے زور دیا کہ خطے میں امن و استحکام کی حقیقی کلید صرف اور صرف فلسطین پر اسرائیلی قبضے کے خاتمے میں ہے۔

ان کا کہنا تھا کہ اسرائیل کی دائیں بازو کی حکومت، جو زیادہ تر عرب ممالک پر حملے کر رہی ہے، امن کی شراکت دار نہیں ہو سکتی۔

فلسطینی صدر نے ان ممالک کے موقف کو سراہا جو فلسطینی عوام کے ساتھ کھڑے ہیں اور خصوصاً مصر اور قطر کی ان کوششوں کو خراجِ تحسین پیش کیا جو غزہ کی جنگ ختم کرنے کے لیے کی جا رہی ہیں.