سعودی اور قطری وزرائے دفاع کے درمیان "علاقائی اور بین الاقوامی صورت حال" پر بات چیت

سعودی وزیر دفاع شہزادہ خالد بن سلمان بن عبدالعزیز اور قطر کے نائب وزیر اعظم اور دفاعی امور کے وزیر مملکت شیخ سعود بن عبدالرحمن بن حسن آل ثانی کے درمیان ٹیلی فون پر رابطہ ہوا۔

قطری عہدے دار کی جانب سے اس رابطے کے دوران دونوں ملکوں کے درمیان دفاعی میدان میں برادرانہ تعلقات اور ان کو فروغ دینے کے راستوں کا جائزہ لیا گیا۔
دونوں شخصیات نے علاقائی اور بین الاقوامی صورت حال اور باہمی دل چسپی کے امور پر تبادلہ خیال بھی کیا۔