یمنی حکومت کی ملک میں کشیدگی کم کرنے کے لیے سعودی عرب کی کاوشوں کی ستائش

یمنی قیادت کونسل کے صدر رشاد العیلیمی نے یمنی عوام کی حمایت اور ملک میں کشیدگی کم کرنے کے لیے سعودی عرب کے اصولی موقف اور کوششوں کا خیر مقدم کیا ہے۔

رشاد العیلیمی نے کہاکہ "ہم یمن میں کشیدگی کم کرنے اور ریاستی قانونی مرکز کے تحفظ کے لیے سعودی کوششوں کو قدر کی نگاہ سے دیکھتے ہیں۔ہم سعودی عرب کے ساتھ شراکت داری اور صف بندی کو متحد کرنے کے عزم کا اعادہ کرتے ہیں تاکہ یمنی عوام کی توقعات پوری ہوں۔"

اس سے قبل یمنی حکومت نے سعودی وزارت خارجہ کے اس بیان کا خیرمقدم کیا جس میں ریاض نے حضرموت اور المهرہ کی حالیہ صورتحال کا ذکر کیا اور سعودی عرب کے قائدانہ کردار کی تعریف کی۔ سعودی عرب نے متحدہ عرب امارات کے تعاون سے یمن میں امن کے عمل کو فروغ دینے اور مسائل کو شراکت داری اور ذمہ داری کے جذبے کے ساتھ حل کرنے میں کلیدی کردار ادا کیا ہے، تاکہ حالات کو واپس معمول پر لایا جا سکے۔

یمنی حکومت نے سعودی وزارت خارجہ کے بیان میں واضح اور ذمہ دار موقف کو سراہا جس میں حضرموت اور المهرہ کی تازہ صورتحال سے متعلق بات کی گئی ہے۔

یمنی حکومت نے اپنے بیان میں جنوبی علاقوں میں کشیدگی کے بارے میں ریاست کے اصولی موقف بھی دہرایا، اور اس کی جائز تقاضوں کی حمایت پر زو ر دیا جسے تاریخی، سماجی اور حقوقی اہمیت کی حامل ایک منصفانہ مسئلہ سمجھا جاتا ہے۔

حکومت نے اپنے آئینی اور قانونی ذمہ داریوں کی مکمل ادائیگی اور تمام صوبوں میں بغیر کسی امتیاز یا تفریق کے عوام کی خدمت جاری رکھنے کا عزم دہرایا، بنیادی خدمات کی فراہمی کو یقینی بنایا، اور ریاستی اداروں کے معمول کے کام کو برقرار رکھا، حالانکہ غیر معمولی چیلنجز اور حالات موجود ہیں۔

حکومت نے کہا کہ اس کی اولین ذمہ داری شہریوں کے مفادات کا تحفظ اور ان کی مشکلات کو کم کرنا ہے۔ان کے مفادات کو کسی بھی تنازع یا کشیدگی میں نہ گھسیٹنا ہے، ساتھ ہی پیشہ ورانہ اور ذمہ دارانہ انداز میں کام جاری رکھنا ہے، تاکہ ریاست ایک جامع مرجع کے طور پر سب کے سامنے برابر رہے۔

حکومت نے سعودی عرب کی قیادت میں کیے جانے والے تمام اقدامات کی مکمل حمایت کا اعادہ کیا اور زور دیا کہ قومی مفاد کو ترجیح دینا، ضبط نفس اختیار کرنا اور فوری طور پر کشیدگی ختم کرنا ضروری ہے، تاکہ معاشرتی امن و سلامتی بحال ہو اور قومی صف بندی مضبوط رہے، اس وجودی جدوجہد میں جو حوثی دہشت گرد ملیشیاؤں اور ان کے حمایتی تنظیموں کے خلاف جاری ہے۔