متحدہ عرب: ملک پر دو ایرانی ڈرونز نے حملہ کیا، فضائی دفاعی نظام نے حملہ ناکام بنا دیا

متحدہ عرب امارات نے کہا کہ اس نے اتوار کے روز دو ایرانی ڈرونز روک لیے۔

وزارتِ دفاع نے ایکس پر ایک بیان میں کہا، "متحدہ عرب امارات کے فضائی دفاعی نظام نے ایران سے داغے گئے دو ڈرونز کامیابی سے روک لیے۔"

اتوار کو ہی کویت کی مسلح افواج نے بھی علی الصبح کویتی فضائی حدود میں کئی دشمن ڈرونز کا سراغ لگایا اور طے شدہ طریقہ کار کے مطابق جواب دیا، ملک کی وزارتِ دفاع نے کہا۔

جنگ بندی کے بعد چار ہفتوں کا دورانیہ نسبتاً پرسکون رہا جس کے بعد گذشتہ دنوں متحدہ عرب امارات نے ایران کی طرف سے حملے کی اطلاع دی ہے۔

حملوں کے باعث گذشتہ ہفتے متحدہ عرب امارات کے سکولوں کو فاصلاتی تعلیم کی طرف منتقل کرنا پڑا لیکن حکام نے اتوار کو کہا ہے کہ پیر سے سکولوں میں ذاتی حاضری دوبارہ شروع ہو جائے گی۔