سعودی عرب کی طرف سے لبنان میں یونی فِل کے مقام پر حملے کی مذمت

سعودی عرب نے جنوبی لبنان میں اقوامِ متحدہ کی عبوری فوج (یونی فِل) کے فوجی مقام پر حملے کی شدید مذمت کی ہے جس کے نتیجے میں ایک فوجی ہلاک اور دیگر زخمی ہوئے۔

ایک بیان میں وزارتِ خارجہ نے سعودی عرب کی جانب سے یونی فِل افواج پر حملے مکمل طور پر مسترد کرنے کا اعادہ کیا اور قیامِ امن، امدادی کارروائیاں اور انسانی بنیادوں پر کام کرنے والے اہلکاروں کے خلاف حملوں کے مرتکب تمام افراد سے جواب طلبی کا مطالبہ کیا۔

مملکت نے ہلاک شدہ فوجی کے اہلِ خانہ سے گہری تعزیت اور زخمیوں کی جلد صحت یابی کی خواہش کا اظہار کیا۔

جنوب مشرقی لبنان میں مرجعیون کے قریب یونی فِل کے فوجی مقام پر جمعرات کی صبح ایک مارٹر گولہ گرا جس کے نتیجے میں ایک سربیائی امن فوجی ہلاک اور سپین اور ایل سلواڈور کے دو فوجی زخمی ہو گئے۔