اسرائیل کے وزیرِ اعظم بنجمن نیتن یاہو نے ہفتے کے روز لبنان کے ساتھ امریکہ کی ثالثی میں ہونے والے معاہدے کو سراہا اور اسے ایک تاریخی کامیابی قرار دیا جس سے ایران اور حزب اللہ کے دشمنوں کو دھچکا لگا ہے۔
نیتن یاہو نے ٹیلی ویژن پر بریفنگ میں کہا، "اسرائیل اور لبنان کے درمیان براہِ راست مذاکرات کے بعد کل ہم نے ریاست اسرائیل کے لیے ایک تاریخی معاہدہ کیا ہے۔ یہ ایران اور حزب اللہ کے لیے ایک دھچکا ہے۔"
نیتن یاہو نے اس بات کا اعادہ کیا کہ اسرائیلی افواج لبنانی سرزمین میں 10 کلومیٹر (چھے میل) کے اندر فوج کے قائم کردہ نام نہاد سیکیورٹی زون میں رہیں گی۔
انہوں نے کہا، 'ہم اس علاقے میں رہیں گے جب تک حزب اللہ اور باقی دہشت گرد گروپوں کو غیر مسلح نہ کر دیا جائے۔"
نیز کہا، "امریکہ اور لبنان دونوں نے اسرائیل کا یہ حق تسلیم کیا ہے کہ وہ لبنان کے اندر ایک سکیورٹی زون برقرار رکھے جب تک کہ یہ ہماری سلامتی کے تحفظ کے لیے ضروری ہے۔"
"ہم یہ سکیورٹی زون برقرار رکھیں گے جب تک حزب اللہ اور دیگر تمام دہشت گرد تنظیمیں مکمل طور پر غیر مسلح نہ ہو جائیں اور لبنان کی سرزمین سے اسرائیل کے لیے کوئی خطرہ نہیں بنیں،" نیتن یاہو نے کہا۔
