اسلام آباد: پٹرول اور ڈیزل کی قیمتوں میں ساڑھے تین روپے تک کا اضافہ

حکومت پاکستان نے ایک مرتبہ پھر پٹرولیم مصنوعات کی قیمتوں میں اضافہ کرتے ہوئے عوام کو مشکلات سے دوچار کر دیا ہے۔

وزارتِ خزانہ کی جانب سے جاری ہونے والی نئی قیمتوں کے مطابق پٹرول 3 روپے 56 پیسے، مٹی کا تیل 6 روپے 28 پیسے، ڈیزل 2 روپے 62 پیسے اور لائٹ ڈیزل کی قیمت میں ایک روپیہ اضافہ کیا گیا ہے۔ قیمتیں بڑھنے سے اب پٹرول 88 روپے 7 پیسے فی لیٹر، مٹی کا تیل 76 روپے 46 پیسے اور ڈیزل 98 روپے 45 پیسے میں فروخت ہو گا۔

وزیرِ اعظم شاہد خاقان عباسی نے پٹرولیم مصنوعات کی قیمتوں میں اضافے کی منظوری دیدی ہے جس کا اطلاق یکم مارچ 2018ء سے کر دیا گیا ہے۔