طورخم پر پاک افغان راہداری کرونا کی وبا کے باعث تا اطلاع ثانی بند

پاکستان میں کرونا وائرس سے متعلق نیشنل کمانڈ آپریشن سینٹر [این سی او سی] کی ہدایت پر پاکستان افغانستان سرحد پرطورخم راہداری کو ہر قسم کی ٹریفک کے لئے تااطلاع ثانی بند کر دیا گیا ہے۔

وزارت داخلہ کی جانب سے جاری کردہ بیان کے مطابق طورخم بارڈر پر قسم کی آمدورفت بند کردی گئی ہے۔ امیگریشن بھی این سی او سی کی اگلی گائیڈ لائنز تک بند رہے گی۔

اس متعلق وزارت داخلہ شیخ رشید نے بھی اپنی ٹوئٹ میں کہا کہ کرونا وبا کے باعث طورخم بارڈر کو آج ہر طرح کی آمد ورفت کے لئے بند کردیا گیا ہے۔پاک افغان سرحد پر طورخم امیگریشن مرکز این سی او سی کی نئی ہدایات تک بند رہے گا۔