روپے کی قدر میں مسلسل استحکام، ڈالر 290 سے نیچے آ گیا

ڈالر کی غیر قانونی ٹریڈنگ کے خلاف حکومتی اقدامات کی بدولت پاکستانی روپیہ مسلسل مضبوط ہوتا جا رہا ہے۔

کاروباری ہفتے کے دوسرے روز کی ابتداء پر ایک روپے 26 پیسے کمی کے بعد ڈالر کی خرید و فروخت 289 روپے 60 پیسے میں جاری ہے۔

واضح رہے کہ گزشتہ روز انٹر بینک میں ڈالر کی قیمت 90 پیسے کمی سے 290 روپے 86 پیسے ریکارڈ کی گئی تھی۔

اوپن مارکیٹ میں بھی روپے کی قدر میں بہتری ریکارڈ کی گئی تھی، ڈالر کے مقابلے روپے کی قیمت خرید اور فروخت 50 پیسے اضافے کے بعد بالترتیب 290 اور 293 پر بند ہوئی تھی۔