امیر کویت کے انتقال پر پاکستان میں یوم سوگ کا اعلان، وزیر اعظم تعزیت کے لئے جائیں گے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

حکومت پاکستان نے امیر کویت شیخ نواف الاحمد الجابر آل صباح کی وفات پر 18 دسمبر کو ایک روزہ یوم سوگ منانے کا اعلان کیا ہے۔

کابینہ سیکرٹریٹ کی جانب سے جاری نوٹیفکیشن کے مطابق نگران وزیر اعظم انوارالحق کاکڑ کے حکم کے مطابق پاکستان کے عوام اور حکومت کی طرف سے امیر کویت کی وفات پر کویتی عوام اور آل صباح خاندان سے یکجہتی کے لئے 18 دسمبر کو یوم سوگ منایا جائے گا۔ اس موقع پر ملک بھر میں قومی پرچم سرنگوں رہے گا۔

اس کے علاوہ دفتر خارجہ کے ترجمان کی جانب سے جاری بیان میں کہا گیا ہے کہ نگران وزیر اعظم انوار الحق کاکڑ امیر کویت کی وفات پر حکومت پاکستان اور عوام کی جانب سے آل صباح خاندان، حکومت اور کویتی عوام سے تعزیت اور اظہار ہمدردی کے لئے کویت کا ایک روزہ دورہ کریں گے۔

مقبول خبریں اہم خبریں