سعودی ولی عہد شیخ نواف الاحمد آل صباح کے انتقال پر تعزیت کے لئے کویت پہنچ گئے

سعودی ولی عہد شہزادہ محمد بن سلمان سعودی فرمانروا شاہ سلمان کی ہدایت پر مرحوم امیر کویت شیخ نواف الاحمد الجابر آل صباح کے انتقال پر تعزیت کرنے کے لیے کویت پہنچ گئے۔

اتوار کے روز شہزادہ محمد نے کویت کے نئے امیر شیخ مشعل الاحمد سے ملاقات میں کویتی رہنما کے انتقال پر سعودی قیادت کی جانب سے افسوس کا اظہار کیا۔

اس سے قبل ہفتے کے روز ایک شاہی حکم نامے کے تحت مسجد حرام اور مسجد نبوی میں شیخ نواف کی غائبانہ نماز جنازہ پڑھائی گئی تھی۔

سعودی شاہی دیوان نے شیخ نواف الاحمد کے انتقال کے بعد ایک بیان میں سعودی قیادت کے گہرے دکھ کا اظہار کرتے ہوئے آل صباح خاندان کے ساتھ اظہار تعزیت کیا تھا۔

یاد رہے کہ امیر کویت شیخ نواف الاحمد الجابر الصباح ہفتے کے روز 86 برس کی عمر میں انتقال کر گئے تھے۔ انہیں اتوار کو سپرد خاک کر دیا گیا۔