سپریم کورٹ: عام انتخابات کالعدم قرار دینے کی درخواست سماعت کے لیے مقرر

سپریم کورٹ آف پاکستان نے ایک شہری کی جانب سے 8 فروری کو ہونے والے عام انتخابات کو کالعدم قرار دینے کی درخواست کو سماعت کے منظور کر دیا۔

سپریم کورٹ کے مطابق جسٹس قاضی فائز عیسیٰ کی سربراہی میں تین رکنی بینچ 19 فروری بروز پیر کو درخواست کی سماعت کرے گا۔ بینچ میں جسٹس محمد علی مظہر اور جسٹس مسرت ہلالی بھی شامل ہوں گی۔

انتخابات کو کالعدم قرار دیے جانے کی درخواست بریگیڈیئر (ر) علی خان کی طرف سے دی گئی تھی۔

درخواست میں موقف اختیار کیا گیا تھا کہ سپریم کورٹ اپنی نگرانی میں 30 روز کے اندر نئے انتخابات کرانے کا حکم دے۔