آرمی چیف سے اے ایس پی شہر بانو کی ملاقات، جنرل عاصم منیر نے کارکردگی کو سراہا

تحفظات اور شکایات کے حل کے لیے قانونی راستے میسر ہوتے ہوئے قانون کو ہاتھ میں نہ لیا جائے: جنرل عاصم منیر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پنجاب پولیس کی اے ایس پی شہربانو نقوی جنہوں نے گذشتہ دنوں لاہور میں ایک خاتون کو مشتعل ہجوم سے بچایا تھا انہوں بدھ کے روز جنرل ہیڈکوارٹر میں آرمی چیف جنرل سید عاصم منیر سے ملاقات کی۔

آرمی چیف نے اے ایس پی شہربانو کی ڈیوٹی کے دوران بے لوث لگن اور ایک غیر یقینی صورتحال پر قابو پانے میں پیشہ ورانہ مہارت کا مظاہرہ پیش کرنے پر تعریف کی۔

جنرل عاصم منیر اے ایس پی شہر بانو کے سر پر پیار دے رہے ہیں: سوشل میڈیا
جنرل عاصم منیر اے ایس پی شہر بانو کے سر پر پیار دے رہے ہیں: سوشل میڈیا

جنرل عاصم منیر نے اے ایس پی سیدہ شہر بانو نقوی سے ملاقات میں گفتگو کرتے ہوئے کہا کہ خواتین پاکستانی معاشرے کا ایک انمول حصہ ہیں اور اُن کا احترام ہمارے مذہب کے ساتھ ساتھ ہماری معاشرتی اقدار میں بھی شامل ہے۔

انہوں نے مزید کہا کہ بدعت کی بنیاد پر من مانی کارروائیاں معاشرے کے نقطہ نظر کو کمزور کرتی ہیں۔ آرمی چیف کے بقول تحفظات اور شکایات کے حل کیلئے قانونی راستے میسر ہوتے ہوئے قانون کو ہاتھ میں نہ لیا جائے۔

اس موقع پر آرمی چیف نے قانون کی حکمرانی پر زور دیتے ہوئے کہا کہ آزادی کے بعد سے، پاکستانی خواتین نے اپنی قابلیت، استقامت اور عزم کی وجہ سے اندرون و بیرونِ ملک خود کو ممتاز کیا ہے۔

مقبول خبریں اہم خبریں

مقبول خبریں