بنگلہ دیش اور پاکستان نے منشیات کی سمگلنگ کے خلاف دوطرفہ تعاون کو مضبوط بنانے کے لیے ایک معاہدے پر دستخط کیے اور دونوں ممالک کے حکام نے انسدادِ منشیات ایجنسیوں کے درمیان قریبی انٹیلی جنس کے تبادلے اور تعاون کا عہد کیا ہے، پاکستانی وزارتِ داخلہ نے ہفتے کے روز کہا۔
پاکستانی وزیرِ داخلہ محسن نقوی کی ڈھاکہ میں بنگلہ دیشی ہم منصب صلاح الدین احمد سے ملاقات کے بعد یہ بیان سامنے آیا ہے جس میں دونوں حکام نے معاہدے پر دستخط کیے۔
پاکستانی وزارتِ داخلہ نے بیان میں کہا، "دونوں ممالک منشیات کی غیر قانونی نقل و حمل اور سمگلنگ روکنے کے لیے ایک دوسرے سے مکمل تعاون کریں گے۔ منشیات کی غیر قانونی فروخت اور رسد کے ذرائع توڑنے کے لیے مشترکہ حکمت عملی بنائی جائے گی۔"
بیان کے مطابق دونوں حکام نے وزارتوں کے درمیان مشترکہ ورکنگ گروپ بنانے کا فیصلہ کیا۔ دونوں ممالک کے متعلقہ ادارے منشیات کے سمگلروں اور نیٹ ورکس کے بارے میں معلومات کا بروقت تبادلہ کریں گے۔
پاکستانی وزارتِ داخلہ کے مطابق نقوی اور ان کے بنگلہ دیشی ہم منصب نے دوطرفہ تعلقات پر تبادلۂ خیال ور داخلی سلامتی اور سول مسلح افواج کی تربیت کے شعبوں میں تعاون بڑھانے پر بھی اتفاق کیا۔
وزارت نے مزید کہا، "انہوں نے انسدادِ دہشت گردی اور انسانی سمگلنگ کی روک تھام میں تعاون بڑھانے کے بارے میں بھی بات کی۔"
