’اللہ کے گھرمیں کام کرنا بہت بڑی نعمت ہے‘ مسجد حرام کے ساقی زم زم قمر علی خان کےجذبات

مسجد حرام میں معتمرین اور حجاج کرام کی خدمت میں پیش پیش رضا کاروں میں ایک غیر ملکی قمر علی خان بھی ہیں جن کا کہنا ہے کہ وہ پچھلے اٹھارہ سال سے مسجد حرام میں روزہ داروں کی خدمت کرتے اور انہیں زمزم پیش کرتے ہیں۔

العربیہ چینل سے بات کرتے ہوئے قمرعلی خان نے کہا کہ روزہ داروں اور معتمرین کی خدمت بہت بڑے اعزاز کی بات ہے اور یہ عمل میرے لیے نعمت سے کم نہیں۔ میں مسجد حرام میں روزہ داروں کی خدمت کرکے اطمینان قلب اور خوشی محسوس کرتا ہوں۔

قمر علی خان نےمزید کہا کہ مجھے بہت خوشی ہوتی ہے جب روزہ دار زمزم کا پانی پیتے ہیں۔ خدا کے مقدس گھر میں کام کرنا اور نمازیوں اور عازمین کی مدد کرنا بہت بڑی نعمت ہے۔

انہوں نے مزید کہا کہ وہ زمزم کے پلانٹ میں 18 سال سے کام کر رہے ہیں، انہوں نے وضاحت کی کہ وہ کام کے اوقات میں جس شفٹ میں کام کرتا ہے اس میں 650 کارکن ہیں۔

انہوں نے زور دے کر کہا کہ میں افطاری کے وقت کام کرتا ہوں۔ اللہ کے عظیم اور مقدس گھر میں کام کرکے خوشی اور راحت نصیب ہوتی ہے۔