خون خوار شارک کا ماہی گیر کشتی پرحملہ، کیا آپ نے ایسا منظر دیکھا ہے؟
سمندر میں ماہی گیروں کی کشتیوں پردیوہیکل مچھلیوں کے حملوں کی خبریں آتی رہتی ہیں مگراس نوعیت کا ایک عجیب اور ناقابل یقین واقعہ امریکا میں پیش آیا ہے جہاں ایک خون خوار شارک نے ایک ماہی گیرکی کشتی پرحملہ کرکےاسے اپنے جبڑے سے کاٹنے کی کوشش کی تھی۔
اس واقعے کی ایک ویڈیو سوشل میڈیا پر وائرل ہورہی ہے جس میں شارک کو ایک کشتی پرحملہ کرتے دیکھا جا سکتا ہے۔
ویڈیو میں دکھایا گیا ہے کہ ایک بڑی "ٹائیگر شارک" امریکی ماہی گیر سکاٹ ہاراگوچی کی کشتی کے بائیں جانب سے حملہ کرتی ہے اور اسے جبڑے میں پکڑنے کی کوشش کررہی ہے۔
ہاراگوچی نے کہا کہ میں نے ایک آواز سنی جو لگ رہی تھی کہ کوئی کشتی انجن کے بغیر میری طرف آرہی ہے۔ میں نے اسے چیک کیا تو کوئی بڑی بھوری چیز نظر آئی۔ میں نے پہلے سوچا کہ یہ کچھوا ہے، لیکن پھر اس نے مجھے چونکا دیا۔ یہ ایک شارک تھی جو تیزی کے ساتھ کشتی کی طرف آئی اور اس پر حملہ کردیا۔
یہ بات قابل ذکر ہے کہ ٹائیگر شارک کو "سمندری شیر" بھی کہا جاتا ہے اور یہ دنیا کی خطرناک ترین شارکوں میں سے ایک ہے۔ ٹائیگر شارک کو ایک انتہائی جارحانہ شکاری سمجھا جاتا ہے جس میں بہت مضبوط حواس ہوتی ہے اور یہ خون خوار جانور تصور کیا جاتی ہے۔
