عجیب وجہ کے باعث امریکی طیارے کی ہنگامی لینڈنگ

ایک امریکی کمرشل طیارے نے اپنی پرواز مکمل کیے بغیر نیویارک کے جے ایف کے ایئرپورٹ پر ہنگامی لینڈنگ کرلی۔ طیارے میں سینکڑوں مسافر امریکہ کے ڈیٹرائٹ سے ڈچ دارالحکومت ایمسٹرڈیم جا رہے تھے۔ برطانوی اخبار "ڈیلی میل" کی طرف سے شائع اور "العربیہ ڈاٹ نیٹ" کے جائزہ کے مطابق طیارہ امریکی "ڈیلٹا ایئرلائنز" کا تھا۔ طیارے میں خراب کھانے کا انکشاف ہونے پر پرواز نے نیویارک میں ہنگامی لینڈنگ کی۔ خراب کھانا کھانے سے طیارے کے اندر لوگوں کی صحت خراب ہونے کا خدشہ پیدا ہوگیا تھا۔

اخبار میں شائع ہونے والی خبر کے مطابق بحر اوقیانوس کو عبور کرنے والی پرواز کے دوران طیارے میں سوار مسافروں کو آلودہ کھانا پیش کیا گیا۔ ایئر لائنز کے ترجمان نے بتایا کہ بدھ کی صبح طیارے میں خراب کھانا ملنے کے بعد طیارے کا رخ امریکی ہوائی اڈوں میں سے ایک کی طرف موڑ دیا گیا۔

یہ معلوم نہیں ہے کہ کتنے مسافروں نے کھانا کھایا تھا لیکن جب طیارہ جے ایف کے ایئرپورٹ پر اترا تو ایمبولینسز رن وے پر انتظار کر رہی تھیں تاکہ ہنگامی دیکھ بھال فراہم کی جا سکے۔ کمپنی نے اعلان کیا کہ اس نے واقعے کی تحقیقات شروع کر دی ہیں اور صارفین سے معافی مانگی ہے۔

اخبار کے مطابق پرواز میں 277 مسافر موجود تھے۔ یہ پرواز منگل کو رات 11 بجے سے پہلے ڈیٹرائٹ مشی گن سے روانہ ہوئی۔ عملے نے غیر متوقع لینڈنگ کرنے کا فیصلہ کرنے سے پہلے طبی ماہرین سے مشورہ کیا۔ کمپنی کے ترجمان نے ایک بیان میں کہا کہ ڈیٹرائٹ سے ایمسٹرڈیم جانے والی ڈیلٹا فلائٹ کو بدھ کی صبح نیو یارک کے جے ایف کے ایئرپورٹ کی طرف موڑ دیا گیا جب مرکزی کیبن میں کھانے کی خدمت کے حصے کو نقصان پہنچا۔