برطانوی اخبار ’’ ٹیلی گراف‘‘ نے بتایا ہے کہ سابق برطانوی وزیر اعظم بورس جانسن نے اپنی جلد ہی ریلیز ہونے والی سوانح عمری میں انکشاف کیا ہے کہ امریکی صدر جو بائیڈن نے 2021 میں برطانیہ کے دورے کے دوران برطانوی طیارہ بردار بحری جہاز کا دورہ کرنے سے انکار کرنے کی وجہ بتائی تھی۔ جس کے مطابق کئی اقدامات کیے گئے تھے۔
اخبار نے رپورٹ کیا کہ جانسن کارن وال میں جی سیون سربراہی اجلاس سے قبل بائیڈن کے ساتھ اپنی ملاقات کا حوالہ دے رہے تھے۔ جانسن کی کتاب ’’ Unleashed ‘‘ کے کے ایک اقتباس کے مطابق جانسن اور ان کے معاونین نے اس وقت حیرت کا اظہار کیا کہ کیا 78 سال کے امریکی صدر واقعی اتنے بوڑھے لگ رہے تھے جتنے کہ ان کے ناقدین کبھی کبھی کہتے ہیں۔
جانسن کی کتاب میں کہا گیا ہے کہ بائیڈن کے عملے نے ہمیں بتایا کہ وہ بہت سے امور کی وجہ سے ہمارے بڑے طیارہ بردار بحری جہاز پر سوار نہیں ہوں گے۔ اس چیز نے ان کی فٹنس پر بہت سے سوالات اٹھائے۔ تاہم سابق وزیر اعظم نے ایک اور پہلو کو بھی بیان کیا۔ وہ یہ ہے کہ بائیڈن جانسن کی اہلیہ کیری سے تھوڑے سے متاثر ہوگئے تھے۔ کیری اس وقت 33 سال کی تھیں۔
جانسن نے نوٹ کیا کہ بائیڈن جنہوں نے اپنی اہلیہ جِل کے ساتھ سربراہی اجلاس میں شرکت کی نے مذاق میں کہا کہ کیا وہ اور کیری ساحل سمندر پر اکیلے چہل قدمی کے لیے نکل سکتے ہیں۔
جانسن کی کتاب میں جو کچھ بیان کیا گیا ہے اس کے مطابق بائیڈن نے کیری کو مخاطب کرتے ہوئے کہا کہ کیوں نہیں آپ اور میں ساحل سمندر پر جائیں اور اس آدمی کو یہاں چھوڑ دیں؟"۔ اس وقت جل بائیڈن کی آنکھوں میں حیرت کے آثار دکھائی دیے۔
جانسن کی سوانح عمری ’’ Unleased ‘‘ 10 اکتوبر کو ریلیز کی جائے گی۔ بورس جانسن نے اپنی کتاب میں یہ بھی انکشاف کیا ہے کہ ان کے ملازمین کو ان کے دفتر کے باتھ روم میں سننے والا آلہ ملا جب اسرائیلی وزیر اعظم نیتن یاہو نے اسے 2017 میں برطانوی دفتر خارجہ کے دورے کے دوران استعمال کیا تھا۔ اس وقت جانسن برطانوی وزیر خارجہ تھے۔
