صحت بخش حیرت انگیز فوائد کے لیے کدو کے بیج کھانے کا بہترین وقت کونسا؟

غذائی عناصر سے بھرپور کدو کے بیج صحت کے شاندار فوائد فراہم کرتے ہیں۔ "ویری ویل ہیلتھ" کے مطابق کدو کے بیج دن کے کسی بھی وقت کھائے جا سکتے ہیں، لیکن کچھ مخصوص اوقات ایسے ہیں جو صحت کے لیے خاص طور پر فائدہ مند ہو سکتے ہیں۔

1. صبح میں ایک مٹھی

ناشتہ میں مٹھی بھر کدو کے بیج شامل کرنے سے توانائی کا مستحکم اضافہ اور توجہ و پیداواری صلاحیت میں بہتری حاصل ہوتی ہے۔یہ صحت مند غیر سیر شدہ چکنائیوں سے بھرپور ہوتے ہیں جو توانائی فراہم کرتی ہیں اور پودوں سے حاصل ہونے والا پروٹین بھی مہیا کرتے ہیں، جس سے توانائی کی سطح برقرار رہتی ہے اور تسکینِ بھوک بھی بڑھتی ہے۔

یہ بیج متعدد وٹامنز B فراہم کرنے کا بھرپور ذریعہ ہیں، جن میں B1 (تھیامین) B2 (ریبوفلاوین) B3 (نایاسین) B12 شامل ہیں۔ یہ وٹامنز توانائی کے میٹابولزم اور دماغی فعالیت کو سپورٹ کرتے ہیں اور ممکنہ طور پر تھکن کم کرنے میں مددگار ہیں۔

یہ وٹامنز پانی میں حل پذیر ہوتے ہیں، یعنی یہ جسم میں ذخیرہ نہیں ہوتے اور اضافی مقدار پیشاب کے ذریعے خارج ہو جاتی ہے۔ اس لیے دن کا آغاز ان وٹامنز کے ذریعہ کرنا کافی مقدار کی فراہمی کو یقینی بناتا ہے۔

صبح کی توانائی بڑھانے کے لیے کدو کے بیج اوٹس یا دہی میں شامل کیے جا سکتے ہیں یا انہیں ناشتہ کے جوس میں ملا کر غذائی اجزاء بڑھائے جا سکتے ہیں۔ایک مٹھی (تقریباً 30 گرام) تقریباً 150 ملی گرام میگنیشیم اور توانائی پیدا کرنے کے لیے ضروری مقدار میں آئرن فراہم کرتی ہے۔

2. دن کے دوران

اسی طرح کدو کے بیج مدافعتی نظام کو مضبوط بنانے میں مدد دیتے ہیں کیونکہ ان میں زنک اور وٹامنز A، C، E جیسے اینٹی آکسیڈنٹس موجود ہوتے ہیں۔ یہ بیج دوائی نما غذاوں کے زمرے میں آتے ہیں کیونکہ یہ قدرتی طور پر علاجی اور جسمانی فوائد فراہم کرتے ہیں۔

مطالعے کے مطابق کدو اور اس کے بیج کو دوائی نما غذائیں قرار دیا گیا ہے یعنی یہ قدرتی غذائیں ہیں جو صحت کے لیے علاج اور جسمانی فوائد فراہم کرتی ہیں، بالکل کچھ دواؤں کی طرح۔

3. ہلکی پھلکی غذاؤں کے طور پر

مزید برآں کدو کے بیج ہلکی پھلکی اور آسانی سے ہضم ہونے والی غذائیں ہیں،یعنی یہ جسم میں مؤثر طریقے سے ہضم ہو کر غذائی اجزاء کے زیادہ سے زیادہ جذب کو ممکن بناتی ہیں۔ یہ اس لیے ہے کہ یہ غذائی ریشے (فائبر) کا بہترین ذریعہ ہیں، جو آنتوں کی باقاعدہ حرکت کو فروغ دے کر ہاضمہ صحت مند بناتے ہیں۔ ان میں موجود صحت مند چکنائی، پروٹین، وٹامنز اور معدنیات بھی جسم کے ہاضمہ اور غذائی اجزاء کے جذب پر مثبت اثر ڈالتی ہیں۔

4. ورزش کے بعد

یہ ورزش کے بعد ایک مثالی خوراک بھی ہے کیونکہ یہ پروٹین اور میگنیشیم فراہم کرتی ہے جو پٹھوں کی شکست وریخت اور ورزش کے دوران پسینے کے ذریعے کھوئے گئے معدنیات کی تلافی میں مددگار ہیں۔

یہ بیج نو ضروری امینو ایسڈز اور صحت مند چکنائی بھی فراہم کرتے ہیں اور اگر انہیں دہی میں شامل کیا جائے یا پھل کے ساتھ ملا کر کھایا جائے تو یہ ورزش کے بعد جسم کی بحالی کے عمل کو بہتر بنانے میں مدد دیتے ہیں۔

5. شام کے وقت

اسی طرح کدو کے بیج ٹرپٹوفان کا ایک قیمتی ذریعہ ہیں،جو ایک امیونو ایسڈ ہے اور جسم میں سیرٹونن اور میلٹونن میں تبدیل ہوتا ہے ،یہ دونوں ہارمونز پر سکون نیند کو فروغ دیتے ہیں۔

تحقیقات کے مطابق روزانہ تقریباً ایک گرام ٹرپٹوفان لینے سے نیند کے معیار کو بہتر بنانے میں مدد مل سکتی ہے۔

کدو کے بیج میں موجود میگنیشیم پٹھوں اور اعصابی نظام کو پرسکون کرنے کے لیے ضروری ہے جبکہ ان میں موجود زنک میلٹونن کی پیداوار کو بھی سہارا دیتا ہے۔ پرسکون نیند کے لیے کدو کے بیج شام کو یا سونے سے پہلے ہلکی پھلکی خوراک کے طور پر کھائے جا سکتے ہیں، چاہے صرف بیج کے طور پر، دہی کے ساتھ یا پھل کے ساتھ ملا کر بھی کھا سکتے ہیں۔

اہم فوائد اور احتیاطی تدابیر

30 گرام کدو کے بیج میں تقریباً 166 کیلوریز 12 گرام چکنائی 9 گرام پروٹین ایک اعشاریہ 5 گرام فائبر ہوتے ہیں ۔اس لیے محتاط رہنے کی ہدایت دی جاتی ہے کیونکہ یہ نسبتاً زیادہ کیلوریز پر مشتمل ہوتے ہیں، اس لیے اعتدال میں کھانا بہتر ہے۔

مندرجہ ذیل حالات میں احتیاط ضروری ہے:

• ان افراد کے لیے جو بیج یا کدو سے الرجی رکھتے ہیں۔
• ان افراد کے لیے جنہیں گردے کی پتھری بننے کا خطرہ ہو، کیونکہ اس میں اوکسالیٹ کی مقدار موجود ہے۔
• ان افراد کے لیے جو ہاضمے کے مسائل یا فائبر کو ہضم اور جذب کرنے میں دشواری رکھتے ہیں۔