مردوں میں جوش و جذبے کے ختم ہونے کی سات نشانیاں
اکثر مرد اپنی زندگی میں جوش و جذبے کے ختم ہونے کو ظاہر نہیں کرتے، لیکن ان کے رویے خاموش اشارے دیتے ہیں۔ چھوٹے چھوٹے معمولات، عادات اور فیصلے بتاتے ہیں کہ کچھ اندر سے بدل رہا ہے، ایسی علامات جو نہ صرف ان کی شخصیت پر اثر ڈالتی ہیں بلکہ ان کے قریبی لوگوں کے لیے بھی خبردار کرنے کا پیغام ہوتی ہیں۔
یہ علامات نفسیات کے ماہرین نے برسوں کی تحقیق کے بعد شناخت کی ہیں، جیسا کہ ویب سائٹ The Vessel کی رپورٹ میں ذکر ہوا ہے۔
یہ تبدیلیاں بتدریج رونما ہوتی ہیں، جس کی وجہ سے خاندان اکثر ان پر توجہ نہیں دیتا۔ جب کوئی اس کا نوٹس لیتا ہے، توجذباتی دوری (emotional withdrawal) پہلے ہی گہری جڑیں جما چکی ہوتی ہے۔
اپنی پسندیدہ سرگرمیوں کے لیے منصوبہ بندی چھوڑ دینا
اکثر پہلی علامات مرد کے فراغت کے وقت گزارنے کے طریقے میں ظاہر ہوتی ہیں۔ امریکن سائیکولوجیکل ایسوسی ایشن کے مطابق جو مرد ڈپریشن یا جذباتی دوری کا شکار ہوتے ہیں، وہ اپنی پسندیدہ مشغولیات کو سب سے پہلے ترک کر دیتے ہیں۔ یہ لوگ اچانک اعلان نہیں کرتے بلکہ بس منصوبہ بندی بند کر دیتے ہیں۔ جب پوچھا جائے کہ وہ کیا کرنا چاہتے ہیں تو اکثر جواب دیتے ہیں: ''جو تم چاہو ''یا ''فرق نہیں پڑتا '' اور یہ دوسروں کو خوش کرنے کے لیے نہیں ہوتا۔
نیند کے معمولات میں بنیادی تبدیلی
نیند ان کے لیے یا تو پناہ گاہ بن جاتی ہے یا دشمن۔ کچھ مرد جلدی سوتے ہیں تاکہ زندگی کے مسائل سے بچ سکیں، جبکہ کچھ بے خوابی کا شکار ہو کر وقت کو غیر مفید طریقے سے گزارتے ہیں۔ اس طرح بیڈروم ذمہ داری اور بات چیت سے بچنے کی جگہ بن جاتا ہے۔
اپنی زندگی پر منفی نگاہ
ان مردوں کے لیے فیصلہ کرنا مشکل ہو جاتا ہے، حتی کہ چھوٹے انتخاب جیسے لنچ یا فلم کا فیصلہ بھی۔ یہ لوگ اکثر کم محنت یا کم سوچ والے آپشنز کا انتخاب کرتے ہیں۔ اپنی ترجیحات اور رائے کا اظہار کرنا بند کر دیتے ہیں اور خاندان کے منصوبوں یا گھریلو بہتری پر بات چیت میں حصہ نہیں لیتے۔
ذاتی دیکھ بھال میں کمی
یہ تبدیلیاں بتدریج ہوتی ہیں، جیسے بال کٹوانا، روزانہ نہانا، یا جِم جانا۔ ہارورڈ میڈیکل اسکول کی تحقیق کے مطابق ذاتی دیکھ بھال میں کمی اکثر ڈپریشن کی واضح علامت ہوتی ہے، لیکن اکثر اسے محض "لاپرواہی" سمجھا جاتا ہے۔ یہ لوگ جان بوجھ کر اپنے آپ کو نظر انداز نہیں کرتے بلکہ تھکن اور توانائی کی کمی کی وجہ سے اس کی اہمیت نہیں دیکھتے۔
اسکرین کے ساتھ غیر صحت مند تعلق
یہ مرد زیادہ تر وقت موبائل، سوشل میڈیا، یوٹیوب یا گیمز میں گزارتے ہیں۔ یہ تفریح یا سیکھنے کے لیے نہیں بلکہ جذبات کو دبانے کے لیے ہوتا ہے۔ وہ دلچسپ مواد نہیں دیکھتے اور اپنی پسند کی سرگرمیوں میں شامل نہیں ہوتے۔ اسکرین ایک رکاوٹ بن جاتی ہے، جو انہیں دنیا اور اپنے جذبات سے دور کرتی ہے۔
صرف عملی بات چیت
بات چیت صرف کام یا روزمرہ کے امور تک محدود ہو جاتی ہے۔ خواب، خوف، دلچسپ موضوعات یا خیالات پر گفتگو ختم ہو جاتی ہے۔ یہ مرد اپنی روزمرہ کی کہانی شیئر نہیں کرتے، سوالات نہیں پوچھتے اور تعلقات کی گرمجوشی برقرار نہیں رکھ پاتے۔ جذبات کا اظہار کرنے کی صلاحیت کم ہو جاتی ہے۔
مستقبل کے لیے منصوبہ بندی سے گریز
منصوبہ بندی میں امید اور یقین شامل ہوتا ہے کہ آنے والے لمحے قابلِ قدر ہوں گے۔ مرد جو خاموشی سے ہار مان لیتے ہیں، وہ مستقبل کے لیے کوئی منصوبہ نہیں بناتے، سفر یا تفریح کی تجویز دینا چھوڑ دیتے ہیں۔
نیشنل انسٹی ٹیوٹ آف مینٹل ہیلتھ کے مطابق مستقبل کے بارے میں مثبت تصور نہ کر پانا مردوں میں ڈپریشن کی اہم علامت ہے۔
