قریب آیا اور غائب ہو گیا… سورج نے اس سال کے سب سے روشن دمدار ستارے کو نگل لیا

روسی اکیڈمی آف سائنسز کے تحت انسٹیوٹ فار اسپیس ریسرچ کے سولر ایسٹرونومی لیبارٹری نے بتایا ہے کہ سال 2026 کا پہلا دمدار ستارہ C/2026 A1 سورج کے انتہائی قریب آنے کے بعد تحلیل ہو گیا۔

ماہرین کے مطابق دمدار ستارہ C/2026 A1 اب خلائی نگرانی کے آلات کی نظر میں نہیں رہا اور یہ گزشتہ اتوار تقریباً ساڑھے دو بجے ماسکو کے وقت سورج کے قریب ہونے کی وجہ سے غائب ہو گیا۔

روسی انسٹیٹیوٹ نے مزید کہا کہ دمدار ستارے کے بکھرا ہوا مواد سورج کےہالہ میں پھیل گئے، جبکہ اندازہ ہے کہ اس کے بڑے ٹکڑے سورج کی سطح پر گر گئے۔

دمدار ستارے کی دم بھی روشنی کے دباؤ کے سبب ہالہ کی بیرونی تہوں میں دھکیل دی گئی ہے، جہاں یہ جلد مکمل طور پر تحلیل ہو جائے گا۔

کروئٹس دمدار ستاروں کا خاندان

C/2026 A1 دمدار ستارہ کروئٹس خاندان سے تعلق رکھتا ہےیہ یاد رہے کہ دمدار ستارہ C/2026 A1 کروئٹس دمدار خاندان سے تعلق رکھتا ہے، جو ایک قدیم اور عظیم دمدار ستارے کے ٹکڑوں پر مشتمل ہے، جو صدیوں یا ہزاروں سال پہلے ٹوٹا تھا۔

اس کے ٹکڑوں کی وجہ سے ماضی میں بڑے دمدار ستارے سال ,1106 1843 اور ممکنہ طور پر 1882 میں دیکھے گئے تھے۔
سال 2026 میں یہ دمدار ستارہ سب سے روشن تھا، لیکن اب C/2025 R3 (PanSTARRS) سب سے روشن دمدار ستارہ بن چکا ہے۔

اس کے چمکنے کا عروج 20 سے 23 اپریل کے درمیان متوقع ہے۔اگرچہ یہ دمدار ستارہ آنکھ سے دیکھنے میں مدھم ہوگا، لیکن یہ فلکیات کے شوقین فوٹوگرافروں کے لیے بہترین موقع فراہم کرے گا۔