حاملہ عورت کا ڈرامہ کرنے والی منشیات کی اسمگلر گرفتار

اٹھائیس سالہ سمگلر دوشیزہ سماجی کارکن بتائی جاتی ہیں

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

کینیڈا میں پولیس نے حاملہ ہونے کا ڈرامہ کرنے والی ایک خاتون کو منشیات اسمگل کرتے ہوئے گرفتار کر لیا ہے۔ کولمبین نے پولیس نے واقعے کی تصدیق کر دی ہے. پولیس کے مطابق لی رچی نامی 28 سالہ خاتون ایک سماجی کارکن ہے جو چھ اگست کو ٹورنٹو سے کولمبیا میں داخل ہوئی۔

انسداد منشیات یونٹ سے تعلق رکھنے والی ایک خاتون نے بگوٹا ایلراڈو ایئرپورٹ پر کینیڈین خاتون کو پکڑا جنہوں نے پیٹ پر پلاسٹک سے بنا مصنوعی ابھار والا پیٹ باندھ کر اس میں کوکین چھپائی ہوئی تھی جس سے ایسا محسوس ہوتا تھا کہ وہ حاملہ ہیں۔ رپورٹس کے مطابق رچی کے پیٹ سے برآمد ہونے والی کوکین کی مقدار 2 کلو سے زائد ہے۔

اقوام متحدہ کے اندازے کے مطابق کولمبیا میں 2012 میں 309 ٹن کوکین کی پیداوار ہوئی جو اسے دنیا میں منشیات پیدا کرنے والے ملکوں میں سے ایک بناتے ہیں۔

کولمبیا میں کینیڈا کے سفارتخانے نے ابھی تک اس حوالے سے کوئی جواب نہیں دیا۔ کولمبین حکام کا کہنا ہے کہ ملک کی جیلوں میں 874 غیر ملکی افراد قید ہیں جن میں سے بیشتر پر منشیات اسمگلنگ کا الزام ہے۔

مقبول خبریں اہم خبریں

مقبول خبریں