سعودی عرب: سرکاری عمارت میں خودکش حملہ

دو محصور دہشت گردوں نے خود کو دھماکے سے اڑا لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب سے موصولہ اطلاعات کے مطابق مملکت کے جنوبی علاقے شرورہ میں گذشتہ روز خود کو محصور کرنے والے دو دہشت گردوں نے ہفتے کو علی الصباح خود کو دھماکے سے اڑا لیا۔

ذرائع نے 'العربیہ ڈاٹ نیٹ' کو بتایا کہ ہفتے اور جمعہ کے روز مارے جانے والے تمام دہشت گردوں کے نام کا اعلان ڈی این اے کا رزلٹ آنے کے بعد کر دیا جائے گا۔

ذرائع نے بتایا کہ دونوں دہشت گردوں نے خود کو دھماکے سے اڑانے سے پہلے قانون نافذ کرنے والے ادارے کے اہلکاروں سے سخت مقابلہ کیا۔

سعودی سیکیورٹی حکام کا کہنا ہے کہ جمعہ کے روز القاعدہ کے چھے ارکان نے سعودی باڈر سیکیورٹی فورس پر حملہ کیا۔ حملہ ناکام بنانے کے لئے سعودی اہلکاروں کی فائرنگ سے تین دہشت گرد ہلاک ہوئے۔ سعودی پارٹی کا ڈیوٹی پر موجود انچارج اپنے دو ساتھیوں سمیت جھڑپ میں جاں بحق ہوئے۔

حملہ آور دہشت گردوں کے چوتھے ساتھی کو گرفتار کر لیا گیا، جس کا نام وزارت داخلہ کو مطلوب افراد کی فہرست میں شامل تھا۔ دو حملہ آور شرورہ کی سمت فرار ہو گئے، جنہوں نے بعد میں ایک سرکاری عمارت میں پناہ لے لی، سیکیورٹی حکام نے عمارت کا محاصرہ کر لیا، جہاں ہفتے کی صبح دونوں نے خود کو دھماکا کر کے ہلاک کر لیا۔

مقبول خبریں اہم خبریں

مقبول خبریں