خواتین زلف تراش سعودی مردوں کی حجامت بنانے پر گرفتار

سعودی عرب کی مذہبی پولیس نے دارالحکومت ریاض سے دو افریقی نژاد غیر ملکی خواتین کو حراست میں لیا ہے جن پر مردوں کی حجامت بنانے اور اس کے عوض بھاری معاوضہ وصول کرنے کا الزام تھا۔

العربیہ ڈاٹ نیٹ نے پولیس بیان کے حوالے سے اپنی رپورٹ میں بتایا ہے کہ غیر ملکی خواتین نے اپنا 'دھندہ' چلانے کے لیے ایک مکان کو نہایت خوبصورتی شے سجا رکھا تھا جس میں گاہکوں کو متوجہ کرنے کے لیے مکان کی بیرونی دیواروں پر جاذب نظر پینٹنگز بنا رکھی تھیں۔

پولیس کے مطابق حراست میں لی جانے والی دونوں خواتین سے بھاری رقم بھی ضبط کی گئی ہے اور تفتیش سے معلوم ہوا ہے کہ وہ مملکت میں غیر قانونی طور پر مقیم تھیں۔ مزید تفتیش کے لیے انہیں متعلقہ پولیس کے حوالے کر دیا گیا ہے۔