شاہ عبداللہ کی صحت بہتر ہو گئی:شاہی دیوان

سعودی عرب کے فرمانروا شاہ عبداللہ بن عبدالعزیز کی سانس کی تکلیف کے بعد اب صحت بہتر ہے۔انھیں اسی ہفتے پھیپھڑوں میں انفیکشن ہونے کے بعد اسپتال میں داخل کیا گیا تھا۔شاہی دیوان کی جانب سے جمعہ کو جاری کردہ ایک بیان میں بتایا گیا ہے کہ شاہ عبداللہ رو بہ صحت ہیں۔

بیان کے مطابق:''میڈیکل ٹیم نے ان کے ضروری میڈیکل ٹیسٹ کیے تھے اور ان سے یہ واضح ہوا تھا کہ ان کے ایک پھیپھڑے میں انفیکشن ہوگئی ہے۔ان کے پھیپھڑے میں سانس لینے میں معاونت کے لیے عارضی بنیاد پر ایک ٹیوب داخل کرنے کی ضرورت تھی۔اللہ کا شکر ہے کہ یہ عمل کامیاب رہا ہے اور ان کی صحت مستحکم ہوگئی ہے''۔