الخلیل: اسرائیلی فوج کی فائرنگ سے فلسطینی نوجوان شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج نے فلسطین کے مقبوضہ مغرب کنارے کے جنوبی شہر الخلیل میں ایک فلسطینی شہری کو گولیاں مار کر شہید کردیا۔ صہیونی فوج نے دعویٰ کیا ہے کہ گولیوں کا نشانہ بننے والا فلسطینی مسلح تھا اور وہ فوج پر حملے کی کوشش کررہا تھا۔

فوج کی طرف سے جاری کردہ ایک بیان میں کہا گیا ہے کہ فلسطینی نوجوان کو ایک آپریشن کے دوران اس وقت گولیاں ماریں جب فوج کو اس کی طرف سے حملے کا خطرہ محسوس ہوا۔ اسرائیلی فوج کی طرف سے اس واقعے کی مزید تفصیلات جاری نہیں کی گئیں۔

’العربیہ ڈاٹ نیٹ‘ کو فلسطینی وزارت صحت کےایک بیان کی نقل بھی موصول ہوئی ہے جس میں کہا گیا ہے کہ اسرائیلی فوج نے الخلیل شہر میں قائم کریات اربع کالونی کے قریب ایک فلسطینی نوجوان کو گولیاں مار کر شہید کردیا ہے۔

مقبول خبریں اہم خبریں

مقبول خبریں