حوثی باغیوں کی گولہ باری سے تعز میں 4 بچے شہید، 10 زخمی

یمن میں حوثی شدت پسند گروپ کی جانب سے تعز کے علاقے میں گولہ باری کے نتیجے میں کم سے کم چار بچے شہید اور 10 زخمی ہوگئے۔

العربیہ کے مطابق حوثی باغیوں اور علی صالح ملیشیا نے تعز میں حوض الاشراف کالونی پر گولہ باری کی جس کے نتیجے میں متعدد مکانوں کو بھی نقصان پہنچا ہے۔

طبی ذرائع کے مطابق گولہ باری کے نتیجے میں شہید ہونے والے چار بچوں کی نعشیں اسپتال منتقل کی گئی ہیں جب کہ زخمی ہونے والے دس بچوں کو بھی اسپتالوں میں داخل کیا گیا ہے۔ یہ واقعہ حوثی باغیوں کی طرف سے حوض الاشراف کالونی پر گولہ باری کے نتیجے میں پیش آیا۔

مقامی ذرائع کا کہنا ہے کہ حوثی باغیوں کی طرف سے داغے گئے متعدد گولے مشرقی تعز میں الدبا کالونی اور الصمیل بازار میں بھی گرے ہیں۔