داعش کے 50 جنگجو شام اور عراق سے جرمنی لوٹ گئے

جرمنی کے ذرائع ابلاغ نے خبر دی ہے کہ شدت پسند گروپ دولت اسلامی ’داعش‘ سے تعلق رکھنے والے 50 دہشت گرد شام اور عراق سے جرمنی واپس آگئے ہیں۔

جرمن ٹی وی چینل ’ڈوئچے ویلے‘ کے مطابق بائیں بازو کے پارلیمانی بلاک کی طرف سے پوچھے گئے ایک سوال کے جواب میں حکومت نے وضاحت کی ہے کہ شام اور عراق میں داعش کےصفوں میں شامل ہو کر لڑنے والے پچاس جنگجو واپس آگئے ہیں۔

جرمن وزارت خارجہ کا کہنا ہے کہ گذشتہ چند برسوں کے دوران جرمنی سے 960 افراد دہشت گرد گروپوں میں شامل ہونے کے لیے بیرون ملک روانہ ہوئے۔

شام اور عراق سے پلٹنے والے داعشی جنگجوؤں نے یورپی ملکوں کے لیے بھی مسائل پیدا کیے ہیں۔ یورپی حکام ان جنگجوؤں کو ٹائم بم قرار دیتے ہیں جو کسی بھی وقت پھٹ سکتے ہیں۔