.

میگن کی جانب سے ہیری کے ہاتھ کو چُھونے کی کوشش شاہی محل کی روایات کی مخالفت شُمار

پہلی اشاعت: آخری اپ ڈیٹ:

برطانیہ میں شاہی محل کے اندر جذبات کے اظہار کی ممانعت ہے البتہ برطانوی ذرائع ابلاغ کی نظر سے ڈچز آف کیمبرج میگن میرکل کی اپنے شوہر شہزادہ ہیری کے ہاتھ کو چھونے کی کوشش چُھپی نہ رہ سکی جب کہ دونوں افراد ملکہ الزبتھ کے پیچھے چل رہے تھے۔

میگن کے اس تصرّف کو شاہی روایات کے خلاف شمار کیا جا رہا ہے۔ بکنگھم پیلس کی ایک تقریب کی وڈیو میں 34 سالہ میگن اپنے شوہر شہزادہ ہیری کو چھونے کے واسطے اپنا ہاتھ بڑھاتی نظر آ رہی ہیں تاہم شہزادے نے شاہی پروٹوکول کی پاسداری کرتے ہوئے فوری طور پر اپنا ہاتھ پیچھے کر لیا۔

برطانوی صحافت نے امریکا سے تعلق رکھنے والی میگن میرکل کی شاہی روایات سے ناواقفیت پر تبصرہ کیا ہے تاہم برطانوی رائے عامہ نے ڈچز آف کیمبرج کا دفاع کرتے ہوئے شاہی محل کی سخت گیر روایتوں کو تنقید کا نشانہ بنایا ہے۔ شاہی محل کی جانب سے واقعے پر کوئی تبصرہ سامنے نہیں آیا۔