’’افریقا پر قبضہ کا الزام کیوں لگایا‘‘؟ فرانس کا اٹلی سے احتجاج

افریقا پر قبضے اور افریقی عوام کو غربت میں متبلا کرنے کے الزامات کے بعد اٹلی اور فرانس کے درمیان ایک نیا سفارتی تنازع کھڑا ہو گیا۔ ذرائع کے مطابق پیرس میں متعین اطالوی سفیرہ کو دفتر خارجہ میں طلب کرکے نائب اطالوی وزیر اعظم لویگی دی مایو کے متنازع پر سخت احتجاج کیا گیا۔

خیال رہے کہ نائب اطالوی وزیراعظم نے فرانس پر افریقی ممالک پر قبضے، عوام کو غربت میں مبتلا کرنے اور پناہ گزینوں کے بحران کو مزید بڑھانے کا الزام عاید کیا تھا۔

فرانس کی خاتون وزیر برائے یورپی امور ناتالی لوازو نے ایک بیان میں بتایا کہ ان کے دفتر کے ڈائریکٹر کی جانب سے اطالوی سفیرہ تھیریسا کاسٹالوڈ سے ان کے نائب وزیراعظم کے ’’ناپسندیدہ‘‘ اور’’غیر ذمہ دارانہ‘‘ بیان پر سخت احتجاج کیا ہے۔

خیال رہے کہ دی مایو نے اتوار کے روز ایک بیان میں کہا تھا کہ انہیں توقع ہے کہ یورپی یونین بحر متوسط میں پناہ گزینوں کے بحران کو مزید بڑھانے اور افریقا میں غربت مسلط کرنے پر فرانس اور دوسرے ممالک پر پابندیاں عاید کرنے کی سفارش کرے گی۔