برکلیز بینک نے قطر کو غیر قانونی طور پر کروڑوں پاؤنڈ کی ادائیگی کی

لندن میں برطانوی پراسیکیوٹر جنرل کا کہنا ہے کہ Barclays بینک کے 4 سابق عہدے دار غیر قانونی طور پر قطری ذمے داران کو 32.2 کروڑ پاؤنڈ کی ادائیگی میں ملوث ہیں۔

بینک کے سابق چیف ایگزیکٹوJohn Varley اور تین دیگر عہدے دار کو 2008 میں دھوکہ دہی کے ارتکاب پر قصور وار ٹھہرایا گیا تھا۔ بینک نے خود کو مالی بحران سے بچانے کی خاطر خلیجی سرمایہ کاروں سے 11 ارب ڈالر جمع کرنے کے لیے "غیر قانونی ذرائع" استعمال کیے تھے۔ اس کے مقابل مذکورہ رقم کی منتقلی کو خفیہ رکھا گیا۔

اس دوران قطر نے 3.25% منافع کی شرح پر 4 ارب پاؤنڈ کی رقم برکلیز بینک میں جمع کرائی تھی۔ یہ شرح بینک کی جانب سے دیگر سرمایہ کاروں کو پیش کی جانے والی شرح سے دو گنا سے بھی زیادہ تھی۔