میانمار: فوج نے ملک کا کنٹرول سنبھال لیا، آنگ سان سوچی سمیت متعدد رہنما زیرِ حراست
میانمار کی فوج نے ملک کی سربراہ اور نوبیل انعام یافتہ آنگ سان سوچی اور اُن کی جماعت کے دیگر رہنماؤں کو تحویل میں لیتے ہوئے اقتدار پر قبضہ کر لیا ہے۔
فوج نے پیر کی صبح سرکاری تنصیبات کا کنٹرول سنبھالتے ہوئے حکمراں جماعت نیشنل لیگ آف ڈیموکریسی (این ایل ڈی) کے متعدد رہنماؤں کو حراست میں لے لیا۔
دارالحکومت نیپیٹاؤ میں جگہ جگہ فوجی اہلکار گشت کرتے نظر آ رہے ہیں اور ٹیلی فون سروس اور سرکاری ٹی وی کو بند کر دیا گیا ہے جب کہ کاروباری شہر ینگون سے رابطہ بھی منقطع ہو چکا ہے۔
میانمار کی فوج نے ملٹری ٹی وی پر جاری ایک بیان میں کہا ہے کہ الیکشن میں دھاندلی کی وجہ سے سیاسی قیادت کو نظر بند کرنے کا فیصلہ کیا ہے اور ملک بھر میں ایک سال کے لیے ایمرجنسی نافذ کر دی گئی ہے۔
فوج نے بیان میں مزید کہا ہے کہ سیاسی قیادت کی نظر بندی کے دوران تمام اختیارات آرمی چیف من آنگ لینگ کے پاس رہیں گے۔
میانمار کی سیاسی قیادت کی نظر بندی ایسے موقع پر سامنے آئی ہے جب حالیہ انتخابات کے بعد سویلین حکومت اور فوج کے درمیان شدید کشیدگی پائی جاتی تھی اور ملک میں مارشل لا کے نفاذ کے خدشات کا بھی اظہار کیا جا رہا تھا۔
-
میانمار کے جرنیلوں پر امریکی پابندیاں پہلا اچھا قدم ہے: روہنگیا سماجی کارکن
میانمار کی روہنگیا کمیونٹی سے تعلق رکھنے والی ایک سماجی کارکن کا کہنا ہے کہ امریکا کی جانب سے میانمار کی اعلیٰ عسکری قیادت پر پابندیاں خوش آئند ہیں ... بين الاقوامى -
میانمار کے مزید پناہ گزینوں کو داخل نہیں ہونے دیں گے:بنگلہ دیش
بنگلہ دیش کی حکومت نے سلامتی کونسل سے کہا ہے کہ وہ میانمار سے مزید مسلمان پناہ گزینوں کو اپنے ملک میں آنے کی اجازت نہیں دے گا۔ بنگالی حکومت کا کہنا ہے ... بين الاقوامى -
بنگلہ دیش اور میانمار آئندہ چند ہفتوں کے دوران روہنگیا پناہ گزینوں کی واپسی پر متّفق
بنگلہ دیش اور میانمار منگل کے روز اس امر پر متفق ہو گئے ہیں کہ عسکری آپریشن کے سبب فرار ہو کر بنگلہ دیش میں پناہ لینے والے لاکھوں روہنگیا مسلمانوں کی ... بين الاقوامى