آپریشن کے بعد پوپ فرانسس رُو بصحت ہیں : ویٹی کن

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ویٹی کن نے پیر کے روز ایک اعلان میں بتایا ہے کہ معدے کے آپریشن کے بعد پوپ فرانسس کی صحت بہتر ہو رہی ہے۔ سال 2013ء میں پوپ منتخب ہونے کے بعد یہ پہلا موقع ہے جب روحانی پیشوا کو ہسپتال میں داخل ہونا پڑا۔

ویٹی کن کے ترجمان میتھیو برونی نے ایک بیان میں بتایا کہ پوپ (84 سالہ) رُو بصحت ہیں۔ آپریشن کے لیے پوپ کو مکمل طور پر بے ہوش کیا گیا تھا۔ ترجمان کے مطابق پوپ کا آپریشن ہنگامی بنیادوں پر نہیں کیا گیا بلکہ یہ پہلے سے مقرر تھا۔

بیان میں یہ نہیں بتایا گیا کہ پوپ کو روم کے گیملے ہسپتال سے کب فارغ کیا جائے گا۔

پوپ کو بڑی آنت کے سکڑاؤ کے مسئلے کا سامنا تھا جس کے علاج کے واسطے آپریشن کیا گیا۔ اس مرض کے نتیجے میں آنتوں کے اندر حرکت دشوار ہو جاتی ہے۔

پوپ کو عرق النساء کا عارضہ بھی درپیش ہے۔ اس کے سبب ان کو کمر سے لے کر پنڈلیوں تک کے درد کی شکایت ہو جاتی ہے۔

مقبول خبریں اہم خبریں